👀
في احد هنا

سنتين ونص من اخر تدوينه وكانت خاصة بأيش؟ خاصة بالسنولوجي سيرفر و الي خدمني لأكثر من 5 سنوات ومازال، كان الوحيد والفريد من نوعه في حياتي وكان اساسي في استخدامات كثيرة والان احيل للتقاعد كسيرفر اساسي وصار الملاذ الاخير وقت المشاكل offline-onsite-last-resort-backup وحل مكانه R1Land والي بأتكلم عنه بعدين.

السيرفر القديم عبارة عن صندوق صغير يشيل 4 هاردسكات وغير قابل للترقية (باستثناء الرام) او اضافة كروت توسعه مع معالج entry-level بأربع انويه باستهلاك طاقة كلي 30-40 واط! بصراحة كان مدخل ممتاز لعالم الـ NAS ونظام تشغيل السنولوجي DSM كان خادمني بشكل كامل ومميز (كنت اظن) رغم السعر المرتفع بالنسبة للمواصفات, في موديلات بسعر معقول لكن حدها تكون nas فقط لاغير.

شغلت السيرفر القديم بثلاث هاردسكات فقط وكان في درج مشبوك مباشرة في الكهرباء وعلى كثر انقطاع الكهرباء ظل صامد ومعروف ان الهاردسكات حساسة جداً جداً لانقطاع الكهرباء المفاجيء, بعد 3 سنوات ونص تقريبا فللت الهاردسكات الثلاث وفي نفس الوقت طلع لي اول bad sector ⚡️ والي كان خلفه العشرات منهم , اضفت الهاردسك الرابع وكانت هذي لحظة الحقيقة تم اضافة الهاردسك وبدأت عملية إعادة بناء المصفوفة لأربع هاردسكات, تعتبر هذي العملية قوية/خطيرة على الهاردسكات وتشغلة بكامل طاقته وتأثر على الحياة الافتراضية له لكنها ضرورية حتى تعمل توسعة بالهاردسك الجديد ومع اخذ البادسكتورز بالحسبان………. TLDR تم الامر بنجاح, تم بدون مشاكل تقريباً.

في نص 2019 جاتني هذي الرسالة والمشكلة مو في قرب انتهاء المساحة المشكلة اني ماعاد اقدر اوسع نهائياً (REMEMBER! only 4 HDD) و من وقتها بديت التفكير في التوسعة, الخدمات الجديدة الي ممكن استخدمها و الأهم من كل ذا كيف اتجنب حالة مثل كذا في المستقبل.

التخطيط للتوسعة الجديدة

REMEMBER فوق ماذكرتكم بشي؟ ترا الحلقة الاولى من الموسم الثالث نزلت امس😉

اهم شي فكرت فيه للتوسعة الجديدة اني ما اكون محدود بعدد معين بالهاردسكات وهذي الميزة موجودة فقط في شي واحد… شي واحد من زمان ودي اسويه وهو بناء مخصص custom build وهذا الشي صار في احسن صوره لجهاز احتاجة فعلياً مو مجرد نشوة تركيب وتروح.

قبل ما افكر في القطع ووش نوعها ووش احتاج بديت في اختبار نظام التشغيل الجديد و اشوف البدائل (اعرفها كلها وجربتها مبدئياً من زمان) الشي المفيد هنا اني جربت الانظمة مرة ثانية واهتميت اعرف كيف تعمل بالضبط هذي الانظمة وليش كل نظام يستخدم هذي الطريقة, واهم شي تعلمته انه إبتعد كلياً عن نظام Freenas اذا كنت مستخدم عادي, لاتفهمني غلط النظام ممتاز وعنده مجتمع ضخم ولكن النظام يستخدم نظام ملفات zfs والي بدورة يعمل vDev لو فهمت فعلياً هيكلة وهندسة هذا النظام بتعرف انه ماينفع للمستخدم ابو 2-6 هاردسك.

جربتXeponology وهو عبارة عن نسخة من نظام DSM لكنها ماتنفع ابدأ للـ production غير مستقرة واذا جاء تحديث هه دور انك تحدث, جربت استخدام omv وغيره لكن ماكان قدامي الا نظام واحد وهو Unraid والآيروني في الموضوع اني كنت ما احبه بسبب طريقة المصفوفه والي اساسا ماتعتبر مصفوفة وكل هاردسك يشتغل لحالة ويتم جمعهم بطبقة سوفتوير تستخدم هاردسك كـ Parity هذي الفكرة حلوة من ناحية الحماية حتى لو تعطل الدسك الاساسي مع دسك بيانات تظل بقية البيانات موجودة لكن هذي الطريقة تقتل سرعة الكتابة كلياً وهنا تحتاج طبقة Cache, طبعاً جربت النظام ومحصته تمحيص وقررت اني استخدمه وهذا احسن قرار بعد قرار التوسعة.

بعد الاستخدام الفعلي لنظام Unraid اعجبني وسهّل عمليات كثيرة منها قوالب حاويات دوكر وهالقوالب عبارة عن توصيف البرامتر الي تحتاجها الحاوية بحيث ان المستخدم يضيف القيم فقط ويشغل الحاوية بدون مايرجع لأي documentation, الانظمة الافتراضية ممتازة جداً وسهل عملها و مبسط عمليات passthrough لأي قطعة للـ vm, وفي مجتمع ضخم وتطبيقات تخدم كل شي تفكر تسويه (with docker in-mind).

بدأت في تقدير المساحة الي احتاجها والعدد المبدئي الي يغطي احتياجي الحالي و المستقبل المتوسط مع حساب اكبر قدر ممكن من الحماية كالتالي

• 12 تيرا مساحة استخدام
• 12 تيرا حماية Parity
• 480 قيقا مساحة كاش
• 120 قيقا دسك انظمة افتراضية
• 3 تيرا دسك هامش وملفات مؤقتة

---

اختيار وشراء القطع

كان المتطلب الوحيد معالج mid-range قليل استهلاك الطاقة يدعم كروت Pci-e 3 و vt-d ورخيص.. الوحيد🌚

بديت ابحر في قراءة المواضيع واوراق البيانات Data Sheet الخاصة بالمعالجات استنتجت ان طلبي موجود في معالجات الجيل الثالث Ivy Bridge بس اي واحد؟ ثم بديت افتح نقاشات في level1techs.com و reddit/r/Unraid و reddit/r/DataHoarder وبالنهاية استقريت على هذي التجميعة وكلها مستعمل ماعدا الهاردسكات والاكسسوارات

• معالج E3-1265Lv2 من علي اكسبريس
• لوحة Supermicro X9SCM من ايباي
• الرام Samsung ECC 12800E 16GB علي اكسبريس
• IronWolf HDD من نيوايق
• SSD وكرت ساتا من امازون
• مراوح وكيابل من علي اكسبريس
• الكيس صعب تحصل نوع يشيل هاردات كثير بسعر معقول لكن حصلته في حراج مع البور سبلاي ببلاااش ✌️

تجميع الجهاز

 

 

 

 

 

 

 

 

 

 

 

 

 

 

 

 

 

 

 

 

 

سوكت المعالج LGA1155 وهذا سهّل علي تركيب اي مروحة مثل الاساسية مع المعالج وتكفي لان المعالج low-powered.

كيبل البورسبلاي قصير ومايوصل لمدخل اللوحة من الخلف واضطريت اخليه من امام اللوحة.

تبريد الهاردسكات مهم جداً خصوصا وانها 7200rpm ف دبلت عدد المراوح مرتين عليها وشبكتها مباشرة مع البورسبلاي عشان تشتغل في اعلى سرعة على طول.

وهنا خليت الجهاز على هذا الوضع يوم كامل عشان اعمل pre-clear وهذي العملية مفيدة لاختبار الهاردسكات وتسريع عملية بناء المصفوفة.

عملت اعدادات IPMI باللوحة عشان اتحكم بالسيرفر بدون شاشة وكيبورد.

تشغيل R1Land

R1Land هذا هو hostname اسم السيرفر, r1 اختصار من يوزري r1sknt في الانترنت ومعها Land واقرأها زي ماتبي.

بعد تثبيت النظام وإعداده وتشغيل المشاركة بدأت بالمهمة الصعبة والخطيرة وهي نقل البيانات للأرض الجديدة 🥴, سويت اتصال بسرعة 1Gbps وبديت بالنقل مباشرة بين الجهازين باستخدام Rsync وبعد نقل اول تيرا بدأت المشاكل. ليش الحين؟

في الجهاز القديم اخطاء Disk read error مع انقطاعات في الكهرباء تدمر الـ sectors لكن المشكلة ماتظهر فعليا الا عند الوصول لهذا السكتور ومحاولة قراءة البيانات منه وبالتالي الاسم (read error)، فواضح ان هاردسكاتي القديمه كانت منتهية خصوصا رقم 1 و 3، مع ذلك الهاردسكات فيها خصائص ابدال السكتورز بأخرى سليمه ومع وجود ال parity بالامكان إصلاح بعض البيانات.

 

تخيل وجود 2 هاردسك على وشك الانهيار في مصفوفه بواحد دسك حماية وفيها هاردسكين مضروبه وتظهر مئات البادسكتورز بشكل مستمر ومتسارع و في نفس الوقت مشغلها بكامل طاقتها لنقل البيانات، صراحة كان كابوس وتوقعت راح افقد نص البيانات على الأقل ولكن الحمد لله نقلت كل شي بسلام خلال 3 ايام وتعلمت الدرس من الطريق شبه الصعب.🤕️

• مصفوفات Raid ليست backup
• لازم عندك backup
• لازم عندك UPS

الان R1Land شغال باحسن وضع مع دسكين حماية و مع وجود UPS بكامل الخدمات الخاصه في حاويات او في VM والجهاز القديم صفرت الهاردسكات وخليته backup فقط بتشغيل حاوية واحدة بسيرفر Syncthing تسوي باك اب لكل شي من الجهاز الجديد.

خاتمة

هذا الجهاز مفتوح الترقية حسب اختيار القطع واضعاف قوة الجهاز السابق وغير محدود الهاردسكات وبنص سعر اي سيرفر جاهز بنفس عدد الهاردسكات.

التجميع الخاص افضل بمراحل من ناحية السعر والمواصفات والترقية في المستقبل، لكن السيرفر الجاهز اسهل اشبك وشغل وبس.

تعلمت الكثير من هذا الشخص spaceinvader وله قناة علي اليوتيوب، وتعلمت الكثير من reddit/unraid.

سبحان الله وبحمده, سبحان الله العظيم.