👀
في احد هنا
سنتين ونص من اخر تدوينه وكانت خاصة بأيش؟ خاصة بالسنولوجي سيرفر و الي خدمني لأكثر من 5 سنوات ومازال، كان الوحيد والفريد من نوعه في حياتي وكان اساسي في استخدامات كثيرة والان احيل للتقاعد كسيرفر اساسي وصار الملاذ الاخير وقت المشاكل offline-onsite-last-resort-backup وحل مكانه R1Land والي بأتكلم عنه بعدين.
السيرفر القديم عبارة عن صندوق صغير يشيل 4 هاردسكات وغير قابل للترقية (باستثناء الرام) او اضافة كروت توسعه مع معالج entry-level بأربع انويه باستهلاك طاقة كلي 30-40 واط! بصراحة كان مدخل ممتاز لعالم الـ NAS ونظام تشغيل السنولوجي DSM كان خادمني بشكل كامل ومميز (كنت اظن) رغم السعر المرتفع بالنسبة للمواصفات, في موديلات بسعر معقول لكن حدها تكون nas فقط لاغير.
شغلت السيرفر القديم بثلاث هاردسكات فقط وكان في درج مشبوك مباشرة في الكهرباء وعلى كثر انقطاع الكهرباء ظل صامد ومعروف ان الهاردسكات حساسة جداً جداً لانقطاع الكهرباء المفاجيء, بعد 3 سنوات ونص تقريبا فللت الهاردسكات الثلاث وفي نفس الوقت طلع لي اول bad sector ⚡️ والي كان خلفه العشرات منهم , اضفت الهاردسك الرابع وكانت هذي لحظة الحقيقة تم اضافة الهاردسك وبدأت عملية إعادة بناء المصفوفة لأربع هاردسكات, تعتبر هذي العملية قوية/خطيرة على الهاردسكات وتشغلة بكامل طاقته وتأثر على الحياة الافتراضية له لكنها ضرورية حتى تعمل توسعة بالهاردسك الجديد ومع اخذ البادسكتورز بالحسبان………. TLDR تم الامر بنجاح, تم بدون مشاكل تقريباً.
في نص 2019 جاتني هذي الرسالة والمشكلة مو في قرب انتهاء المساحة المشكلة اني ماعاد اقدر اوسع نهائياً (REMEMBER! only 4 HDD) و من وقتها بديت التفكير في التوسعة, الخدمات الجديدة الي ممكن استخدمها و الأهم من كل ذا كيف اتجنب حالة مثل كذا في المستقبل.
, وقبل فترة جاء شحن امازون الدولي وتعرفت عليه وقريت تجارب اعضاء واقتنعت فيه و جاء اليوم الي فكرت اخذ فيه سيرفر NAS منزلي من شركة Synology وتوكلت على الله وطلبت من امازن بشحن مباشر بدون صندوق بريد ولا اي شي وتم الامر بسلاسه ولله الحمد.
